Ku wa 25 Nzeri 2026, Abayobozi n'abakozi ba Komisiyo y'Igihugu ishinzwe Abakozi ba Leta, bakoze inama  mu nama y'iga ku micungire y'abakozi n'imyitwarire mbonezamurimo, hanagarukwa ku buryo bwo ku rwanya ruswa n'akarengane mu bakozi ba Leta Ni ikiganiro cyatanzwe n'Umukozi ushinzwe guteza imbere imyitwarire mbonezamurimo no gukora kinyamwuga mu bakozi ba Leta, Madamu MUREKATETE Belancille.

Muri ikiganiro uwari uhagarariye Umunyamabanga Nshingwabikorwa, Bwana Nkurunziza Fernand, yagaragagaje ko Abakozi ba Komisiyo bakora inshingano zabo kandi neza ndetse ko buri mukozi akwiye kwirinda icyatuma agaragara mu ikosa ryo kwakira no gutanga ruswa haba mu kazi akora no hanze yako, kuko biro mu bituma iterambere ry’Igihugu ritagerwaho. ibi bikazatuma habaho umukozi ufite imyitwarire mbonezamuro myiza kandi ukora kinyamwuga. 

Umukozi ushinzwe guteza imbere imyitwarire mbonezamurimo no gukora kinyamwuga mu bakozi ba Leta, Madamu MUREKATETE Belancille, mu kiganiro yatanze yasobanuye ko mu micungire y’Abakozi ba Leta, ruswa ishobora kugaragara mu itonesha, ubucuti, ikimenyane cyangwa icyenewabo, gutanga cyangwa kwakira indonke, ndetse no gukoresha ububasha umuntu afite kubera umwanya w’akazi mu nyungu ze bwite.

Komisiyo y’Igihugu ishinzwe Abakozi ba Leta ifite uruhare rukomeye mu gukumira no kurwanya ibyo bikorwa kuko inshingano zayo zireba ishakwa ry’abakozi, iyubahirizwa ry’amategeko mu micungire y’abakozi, isesengura rya raporo z’amapiganwa, ubushakashatsi, ubujurire n’imyitwarire mbonezamurimo.

Komisiyo igenzura niba inzego za Leta zishyira abakozi mu myanya binyuze mu mucyo kandi mu buryo bumwe ku bashaka akazi bose.

 Ibi bisobanuye ko abakandida bagomba guhabwa amahirwe angana kandi bagasuzumwa hashingiwe ku bipimo byashyizweho, ubushobozi n'ibisabwa ku mwanya.

Ibi bifasha gukumira itonesha, ikimenyane n’icyenewabo. Itegeko rirwanya ruswa rivuga ko umuntu ufite inshingano zo guha serivisi abantu, ufata icyemezo ashingiye ku itonesha, ubucuti, urwango, ikimenyane cyangwa icyenewabo aba akoze icyaha.

Bityo, ishakwa ry’abakozi rikozwe mu mucyo ni uburyo bwo gukumira ruswa mbere y’uko iba. Iyi nshingano ni ingenzi mu kurwanya ruswa kuko Komisiyo ishobora kureba niba inzira yakoreshejwe mu gushaka umukozi yarubahirije amategeko n’amahame yo gukorera mu mucyo. 

Iyi nshingano ifasha kurwanya ruswa kuko ruswa ishobora kuvuka iyo umuntu akoresheje ububasha afite mu buryo bunyuranyije n’amategeko.

Kubera iyo mpamvu, NPSC ikwiye gukora igenzura kugira ngo irebe niba ibyemezo birebana na recruitment, placement, promotion, transfer, performance management, discipline n’ibindi bikorwa by’imicungire y’abakozi bikorwa hakurikijwe amategeko n’amabwiriza.

Ruswa mu micungire y’Abakozi ba Leta ishobora gukumirwa iyo inzego zubahiriza amategeko, zigakoresha uburyo buboneye kandi buboneye kuri bose, ibyemezo bigashingira ku bushobozi n’ibimenyetso, kandi abayobozi n’abakozi bakabazwa inshingano.

Bityo, uruhare rwa NPSC mu kurwanya ruswa ntirugarukira ku kumenya amakosa amaze kuba, ahubwo rugaragarira cyane mu gushyiraho no kugenzura uburyo butuma ruswa igira amahirwe make yo kubaho.