Kuva ku wa 03 – 06/ Werurwe 2026 Komisiyo y’Igihugu ishinzwe Abakozi ba Leta, ku nshuro ya 15 yagiranye Inama Nyunguranabitekerezo n’Intara zose, Umujyi wa Kigali n’Inzego z’Ubutegetsi Bwite bwa Leta ku nshuro ya 11, mu rwego rwo kungurana ibitekerezo ku buryo bwo kurushaho kunoza imicungire y’abakozi ba Leta kugira ngo barusheho gutanga umusaruro mu nzego bakorera. Iyi nama ikaba yarabaye hifashishijwe uburyo bw’Ikoranabuhanga (webex meeting). 

Umunyamabanga Nshingwabikorwa wa Komisiyo y’Igihugu ishinzwe Abakozi ba Leta, Madamu Angelina MUGANZA Atanga ikaze yagaragaje ko Komisiyo ifite inshingano rusange yo kugenzura uko inzego za Leta zishyira mu bikorwa politiki, amahame n’amategeko ajyanye no gushaka no gucunga abakozi ba Leta, anashimira abitabiriye Inama. Yagize ati: “Komisiyo yishimira ubufatanye n’imikoranire mu gukemura ibibazo bishingiye ku micungire y’abakozi ba Leta”

Mu ijambo ry’Abayobozi b’Intara zose, Abayobozi b’Uturere bose, Abayobozi b’Umujyi wa Kigali n’Abayobozi bo mu Butegetsi Bwite bwa Leta, bashimiye Komisiyo y’Igihugu ishinzwe Abakozi ba Leta ku gikorwa ngarukamwaka mu buryo bwo kujya inama no kugisha inama ku micungire y’abakozi hagaragazwa uko abakozi bakora neza kurushaho ku gutegura Inama Nyunguranabitekerezo, bavuze ko iyi nama iba ari ngombwa mu bijyanye no kwibutswa inshingano kandi ko ku bufatanye n’abashinzwe utunama tujyanye no gukurikina amakosa dukora neza mu gukomeza kwirinda no gumira amakosa akunze kugarara mu bakozi ba Leta. 

Abakora mu Nzego z’ubuzima na bo bashimiye Komisiyo y’Igihugu ishinzwe Abakozi ba Leta ku bufatanye n’imicungire myiza igirana n’Inzego z’Ubuzima banagaragaza ko Komisiyo yazajya ijya mu Bakozi bakora mu Nzego z’Ubuzima kuganira na bo ku myitwarire mbonezamurimo kugira ngo barusheho kugira umukozi mwiza kandi ukora kinyamwuga. 

Mu biganiro byatanzwe n’Abakozi bashinzwe Imicungire y’Abakozi n’Iyubahirizwa ry‘amategeko bagaragaje ko intego y’Inama Nyungurabitekerezo, ari ukugaragaza ishusho rusange y’imicungire y’abakozi mu Ntara zose, Kungurana ibitekerezo ku cyatuma habaho umukozi witwara neza kandi ukora kinyamwuga no gufatira hamwe ingamba zo gukumira amakosa hagamijwe kunoza imicungire y’abakozi  hirindwa icyateza Leta Igihombo hanaganirwa ku ngingo z’ikurikira:

1. Gushaka no gushyira mu myanya abakozi ba Leta
2. Imicungire y’Abakozi ba Leta
3. Igenzura (Audit)
4. Imyanzuro y’inama yahuje Komisiyo n’abakozi bashinzwe imicungire y’abakozi mu nshingano
5. Igihombo Leta yatewe n’imanza yatsinzwe
6. Imyanzuro itarashyirwa mu bikorwa.

   Muri iyi nama hagarutswe kandi ku byakozwe mu ishakwa ry’abakozi ba Leta birimo ko: 

• Inzego za Leta zishaka abakozi biciye mu mucyo kandi bigafasha abakandida bashaka akazi kubona amakuru mu buryo bworoshye kandi bwizewe.
• E-recruitment system igenda inozwa kugira ngo irusheho gufasha inzego za Leta n’abakandida bashaka akazi.
• Ibigo birenga 90 bitanga serivisi yo gushaka abakozi ubu byagiranye amasezerano na MIFOTRA nayo ibimenyesha inzego za Leta zose.
• Ikizamini cyo mu buryo bw’ikiganiro gisigaye gikosorerwa muri system
• Gusesengura raporo y’amapiganwa bisigaye bikorwa hifashijijwe E-recruitment system.

Umunyamabanga Nshimgwabikorwa Madamu Angelina MUGANZA, yavuzeko Abayobozi bakwiye kuba intangarugero kuko ari bo shingiryo ryo gukora neza birinda icyateza umwuka mu bibi mu kazi, anagaragaza ko Komisiyo izakomeza kuganira n’abagize utunama dushinzwe gukurikirana amakosa ku myitwarire mbonezamurimo,no gushishikariza Inzego kujya zitanga amahugurwa ku bakozi bagitangira akazi bo mu Nzego Leta (induction course). 

Ku ruhande rw’abitabiriye inama, basoje bashimira Komisiyo ku mikorere n’imikoranire igirana n’Inzego za Leta bagaragaza ko iyi nama yari ingirakamaro aho bateshutse bakisuzuma mu gukurikirana imicungire y’abakozi, banagaragaza ko abayobozi bashinzwe abakozi muri rusange