Ku wa kane tariki ya 11 Mutarama 2024: Komisiyo y’Igihugu ishinzwe Abakozi ba Leta yashoje igenzura ku micungire y’abakozi yakoreraga Ibitaro by’Akarere bya Rwinkwavu kuva ku wa 08/01/2024. Iryo genzura ryari rigamije kureba niba abakozi bo mu Bitaro bashakwa bakanacungwa mu buryo bukurikije amategeko hagamijwe kwimakaza imiyoborere myiza.

By’umwihariko muri iri genzura hasuzumwe ibi bikurikira:

1. Imbonerahamwe y’imyanya y’imirimo y’Ibitaro;

2. Uburyo abakozi bashyizwe mu myanya n’ibyashingiweho kuri buri cyiciro hashingiwe ku mbonerahamwe ya 2020 (gusuzuma niba abakozi bo muri service zunganira baranyuze mu mapiganwa n’abakozi bakora umwuga w’ubuvuzi baroherejwe na MINISANTE;

3. Raporo z’uburyo abakozi bashyizwe mu myanya (Placement report);

4. Amadosiye y’abakozi (ibaruwa, kopi y’impamyabumenyi iriho umukono wa noteri, equivalence y’impamyabumenyi ku bakozi bize hanze y’Igihugu, igihugu cy’indangabihano, uruhushya rwo gukora umwuga w’ubuvuzi);

5. Uburyo abakozi bongererwa ubushobozi (abagitangira akazi n’abasanzwe);

6. Ubwitabire bw’abakozi mu kazi (attendance reports).

7. Uburyo abakozi bimurwa (amabwiriza ya MoH NO 20/79 yo ku wa 21/11/2022);

8. Imihigo y’abakozi n’isuzuma ryayo (imihigo y’umwaka n’imihigo igihe cy’igeragezwa);

9. Izamurwa mu ntera  ry’abakozi;

10. Akanama gashinzwe gukurikirana amakosa yo mu rwego rw’akazi n’abakozi bahanwe kuva mu mwaka wa 2020.

Ubwo yatangizaga iri genzura ku wa 08 /01/2024, Madamu Jeanne d’Arc KANAKUZE, Visi Perezida w’Agateganyo w’Inama y’Abakomiseri yavuze ko abakozi beza iyo bacunzwe neza ari bo batuma urwego rugera ku ntego zarwo, ashishikariza Ubuyobozi bw’Ibitaro guha abakozi ibyo bagenerwa n’amategeko ku gihe hirindwa amakimbirane.

Mu nama yo gusoza iri genzura, Komisiyo yatanze ikiganiro ku myitwarire mbonezamurimo isabwa buri mukozi wa Leta. Abakozi basobanuriwe indangagaciro z’umwuga n’imyitwarire mbonezamurimo harimo: Ubudashyikirwa n’Ubunyamwuga, kubazwa inshingano