Kuva ku wa 03-13 Nzeri 2024, Komisiyo y’Igihugu ishinzwe Abakozi ba Leta yatangiye igikorwa cy’ingenzura ku micungire y’Abakozi ba Leta mu Turere dukurikira: Rubavu, Nyabihu, Musanze. Iki gikorwa gitangizwa n’inama (Opening meeting) aho Ubuyobozi bwa Komisiyo busobanura Ubuyobozi bwa Karere ugizwe na Bwana RUHAMYAMBUGA Olivier Umunyamabanga Nshingwabikorwa wa Karere ka Rubavu, Bwana SIMPENZWE Pascal Umuyobozi w’Akarere ka Nyabihu wungirije ushinzwe imibereho myiza y’Abaturage na Bwana BAHATI Kitenge Olivier Umuyobozi w’Ubusigire ushinzwe imicungire y’Abakozi n’Ubuyobozi mu Karere ka Musanze imirongo migari y’ingenzura.

Mu byagarutsweho mu igenzura n’ukureba no kumenya uko Abakozi ba Leta bashakwa, uko bashyirwa mu myanya y’akazi n’uko bacungwa hanatanzwe n’ikiganiro ku myitwarire mbonezamurimo.  

Atangiza iyi gahunda y’igenzura, mu ijambo ry’Umunyamabanga Nshingwabikorwa wa Komisiyo y’Igihugu ishinzwe Abakozi ba Leta Madame Angelina MUGANZA, ari kumwe n’Umuyobozi w’ungirije w’inama y’Abakomiseri Madame KANAKUZE Jeanne d’Arc, yashimiye uturere twakorewe igenzura ku kwita ku micungire y’Abakozi anabashimira kuba batanga amasomo y’imenyerezamwuga (induction course) ku bakozi bashya kuko bwabafashije kugera ku ntego zabo anagaragaza ibyavuye mu igenzura abashishikariza gusura imbugankoramyabaga za Komisiyo no kujya bakurikirana ikiganiro Umukozi wa Leta kinyura kuri Radiyo Rwanda buri wa kabiri ku isaha ya 18h45’ z’Umugoroba kuko ari umuyoboro wo kumenyamo inshingano z’Umukozi nuko yakwitwara mu kazi.

Ibyasuzumwe mu igenzura n’ibi bikurikira:

1. Imbonerahamwe y’imyanya y’imirimo y’Uturere:

Abakozi bari mu myanya (gabo / gore),

Imyanya itarimo abakozi,

Imyanya irimo abakozi by’agateganyo;

Imyanya irimo abakozi mu buryo bw’ubusigire;

Imyanya irimo abakozi bagengwa n’amasezerano;

2. Gusuzuma niba abakozi bari mu myanya bujuje ibisabwa (job profile);

3. Amadosiye y’abakozi (ibaruwa, kopi y’impamyabumenyi iriho umukono wa noteri, equivalence y’impamyabumenyi ku bakozi bize hanze y’Igihugu, n’icyemezo cy’indangabihano;

4. Gusuzuma niba abakozi bari mu myanya aribo bahembwa (payroll);

5. Imihigo y’abakozi n’isuzuma ryayo (imihigo y’umwaka n’imihigo y’igihe cy’igeragezwa);

6. Izamurwa mu ntera ry’abakozi;

7. Gusuzuma niba hatangwa raporo z’amapiganwa;

8. Igenzura nyuma y’amapiganwa (Post-recruitment 2023-2024) (gusuzuma umwanzuro wa Komisiyo, Panelists, imyanya y’imirimo yapiganishijwe, abakandida bashyizwe mu myanya bakuwe kuri waiting list, igihe amapiganwa yamaze).

Abayobozi bashimiye Komisiyo ku bufatanye bagira mu kwimakaza umuco wo gushishikariza abakozi kumenya uko bashakwa, uko bashyirwa mu myanya y’akazi n’uko bacungwa, bagarutse ku nama Komisiyo ibagira zijyanye n’Imicungire y’Abakozi ba Leta banagaragaza ko urubuto Komisiyo igenda itera mu Bakozi ba Leta  binyuze mu biganiro, ubujyanama n’ubugenzuzi bukorwa bigenda bitangwa byera imbuto nziza kandi bizeza Komisiyo gukomeza ubufatanye n’imikoranire myiza  hirindwa amakosa yo mu rwego rw’akazi bagakora kinyamwuga umurimo bashinzwe.